ارجوا مساعدتي

عضو جديد

السلام عليكم و رحمة الله وبركاته

أخواني الافاضل ......

أنا احب وحدة ، وبموت فيها ، بس ما بعرف إذا هي بتحبني أو ما بتحبني ، مع أني قلت لها أكثر من مرة إني بحبها .

وكل ما بنشوف بعض بنضحك بوجه بعض ، وكل ما يجي عيد ميلادها ، أنا اول واحد اعيد عليها و ارسل لها الهدية ، كما ارسل لها رسائل من خلال الجوال ، يعني رسائل من النوع " الرومانسية و الشعرية " بس ما بتجاوب علي و لا بأي رسالة ، و لكن إذا بعتلها رسالة رسمية ... مثلا

" كل عام و انت بخير "

ترسل لي رسالة رد على هذه الرسالة الرسيمة ، حتى انا من كثر حبي لها حرفها معلق بغرفتي و على الجوالي و واضع ثيم على حرفها حتى انني بحط حرفها على السيارة و على مفاتيحي .

زما بقدر أنام إلا أتذكر عليها ، و تاتي بعض الايام أكون جالس في المزرعة في الليل ، اقوم بنظر إلى النجوم و القمر ، و أعتبر نفسي أني أكلمها .

حتى انني اصبحت اكتب شعر بشكل كبير جدا

وإلى الان لا اعرف إن كانت بتحبني ام لا تحبني

ارجو مساعدتي

عضو نشيط

اعترفلها انك بتحبها من وجه لوجه وما تستحي البنات دايما خجولات وانت دايما جبلها هدايا والله يوفقك Embarassed

عضو نشيط

انا برأيي
انه البنت بتحبك لانه لو كان غير هيك كان ما ضحكت بوجهك
و شكلها مؤدبة و بدها تيجي لابوها من الباب
اما قصة ما تقدر تنام فجرب تشرب حبة منوم
ملاحظة اذا ما زبطت (اشرب الكورس كامل)من هالدقن اذا بتفيق
لا تزعل بمزح معك
بس جد البنت بتحبك
و هي ذكية ما بدها تحط على حالها ممسك
تبعتلك مسج رومنسي و اتروح تحكي لابوها
لا شو بنات الناس لعبة
انا بحييها لانها ما انجرفت ورى حبها
و اكيد هي ابتحكيلك بعيونها تعال اطلبني من بابي
صح صح
اذا مش مصدق اقرا عيونها المرة الجاي
و ان شاء الله تخطبه و يرضى ابوها من غير شروط
و تتجوزوا و تعزموني على عرسكم و على سبوع اول ولد منكم
ملاحظة : انا ما بحب كيك الكريمة بحب اللي على شوكولاه
و الله يعطيكم العافية

نائب عام

والله يالغالي شي غريب جدا

بس مشكلتك بإعتقادي ، موجودة عند ثلث الشباب يلي عندهم هواية الحب و الغرام

كلمة الحب عندما تقال للفتاة ، فهي بالنسبة لها كلمة رائعة تزيد ما بداخلها من ثقة بأن يوجد احد يحبها أو يخاف عليها

اقتباس :

وكل ما بنشوف بعض بنضحك بوجه بعض

في هذه الجملة بالنسبة لي ، لها معاني كثيرة تدل على جواد الحب الذي بينكم ، يعني ارى بذاتي ان اي فتاة تضحك عندما ترى شخص تحبه ، فهي بالفعل تحبه ، ولكن لا ادري من اي جهه ، يعني يمكن بتحبك بشكل كامل أو يعني كل شي فيك أو شي خاص ، و هي فقط يلي بتعرفوا !!!!!

اقتباس :

وكل ما يجي عيد ميلادها ، أنا اول واحد اعيد عليها و ارسل لها الهدية

بتعرف هذا شيء يعني جميل جدا ، وله روعة كثيرة في نفوس العشاق ، لأن من الصعب على الإنسان " المحبوب أو الغير محبوب " على ان يحفظ وقت عيد ميلاد حبيبته أو عشيقته ، فالهدية لا تكون فقط رمز انه يوم عيد ميلاد عشيقتك وإنما رمز الوفاء وعدم النسيان لهذا الوقت الذي يعتبر بالنسبة لك من التاريخ العصري ، وهذه اوقات تعتبر من خصوصيات التي لا يعرفها احد ..... إلا اشخاص محددون

اقتباس :

ارسل لها رسائل من خلال الجوال ، يعني رسائل من النوع " الرومانسية و الشعرية " بس ما بتجاوب علي و لا بأي رسالة ، و لكن إذا بعتلها رسالة رسمية ... مثلا

" كل عام و انت بخير "

هذا شيء عادي ، عند كل الشباب أو الفتيات ، نرى كل منهم يرسل لبعضهم رسائل معبرة أي كانت " رومانسية و شعرية "
ولكن ارى انها لا تجاوب على رسائلك ، هو بسبب وجود خوف من جهه معينه ، لا اعرفها ، ولكن يمكنك انت ان تعرفها من خلال علاقتك بها .

و لكن اجابتها على الرسالة الرسمية ، هي فقط من باب الاحترام ، حتى تقدر موقفك على تذكرك بشيء محدد يخصها ، أو شيء عام ، مثلا نقول :

عيد الفطر ، عيد الاقصى ، فهذه اعياد عامة يجيب عليها اي شخص

اقتباس :

حتى انا من كثر حبي لها حرفها معلق بغرفتي و على الجوالي و واضع ثيم على حرفها حتى انني بحط حرفها على السيارة و على مفاتيحي

شيء اكثر من ازدهار للنفس فالحب يبدء هكذا ، اتعتقد انك انت فقط الذي تقوم بهذا الشيء و إنما هي ايضا ، يكون عندها مثل هذه الامور ، ولكن لا تظهرها ، حتى لا تجعلك تعرف انها ميته فيك " كما يقولون ههههههه " .

اقتباس :

و تاتي بعض الايام أكون جالس في المزرعة في الليل ، اقوم بنظر إلى النجوم و القمر ، و أعتبر نفسي أني أكلمه

احلام الليل اجمل احلام ، فهي تظهر الشخصية بكل حب و شعور بالذي امامها ، أو تجعل التفكير بشكل كبير لهذه المحبوبة وما يدور حولها ، فهذه كما يسمونها الرومانسية الداخلية ، وجواد الحب في المساء اقوى منه ما في المساء

كما يقول شاعر الليل
حب المساء يزدهر بأغصان الزمان ولكن الزمان يعرف اغصان الاحلام

اقتباس :

حتى انني اصبحت اكتب شعر بشكل كبير جدا

الشعر عبارة عن ابيات و أشطر تدل على روعة الحياة و الحب و الشعور و الغرام و الحنين ، و أن كيفية مدار الحياة يسير على نطاق واحد ، فالحب بكلام الاشعار لا يسوى إلى قول " انا احبك " فالشعر تطور عظيم في شخصية المحبوبين .

فأنا ارى يا الغالي انها تحبك من كل الجهات ، ولكن اعتقد انها تخاف من جهه معينة ، فيجب عليك ان تعرف ما هي الجهة التي تخاف منها حبيبتك .

فهي بتحبك ............... بتحبك ................ بتحبك

أخوك
Tareq Hashem

مشرفة المنتدى العام

مرحبا .........
والله انا بالنسبة الي انا *من غير زعل*
انوا الضحكة بوجهك مش علامة انها *بتحبك*
وهي ما أعطتك أي دليل لهذا الشي.......رسالة/مسج رومانسي/كلمة حلوة
وأتوقع هذا حب من طرف واحد ............تئريبا............ Exclamation

وما اتوقع انوا يكون خوف بهاي الشغله مين ما كانت البنت
Haneen Like a Star @ heaven

نائب عام

مرحبا حنين ......... شكرا لمداخلتك

بس انتي يمكن ضميتي نوع واحد من البنات ، في أنواع كثيرة

و في مشاكل كثيرة ..... فهمتي

ويمكن تكون الضحكة عنوان " لرحلة الحب "

يمكن انها تكون من طرف واحد ........... بس انا شايف انها بتحبوا

هههههههههههههههههههههههههههههههههههههههههههههههههههههههههههههههههه

عضو جديد

ما بعرف شو بدي احكيلكم ، بس فعلا كلام برد الروح

dede
انا اعترفتلها انو انا بحبها و هي بتعرف ، بس إذا بدي اضل اجبلها هدايا على الطالعة و النازلة .
وهي اصلا اوقات ما بتوخد الهدية ، وما بعرف ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

asad
انت شكلك ما بتعطيني حل ، انت بتعطيني نصائح باردة
ههههههههههههههههههههههههههههههههههههههههههههههههههههههههههه

Tareq Hashem
ممكن اسألك سؤال " أنت دربت انك تحلل أو اشي من هيك "
عشان كل الحكي تبعك فيه اشياء حلوه ، مابعرف شو هي بس مش مركز فيه ، بس يعني انا متردد بشوية كلمات !!!!

بس كلامك حلو.... وياريت الناس كلهم متلك

haneen
ليش ازعل ، انا بدي اخد رأيك هههههههههههههه
بس هي ضحكتها غريبه شوي ، يعني مش زي ضحكة اي بنت تانية
يعني لازم تبعتلي مسج عشان تحطني تحت الدليل

المدير

شكرا الكم اعضاء المنتدى على تفاعلكم مع الموضوع
و مع اخونا ذياب الي بتمنى تنحل كل مشاكله و مشاكلنا
و الله يعطيكم الف عافية

مشرفة المنتدى العام

مرحبا......طارق Like a Star @ heaven

اولا:ما في شي بضحك.
...............................................................

تانيا:البنت لو كانت بتحب شخص وهي خجوله اوخايفه مستحيل اشي يمنعها لتعطي علامه او دليل لحبها لالوا.
وبالنسبة لالي انا *مستحيل اتكون الضحكة دليل لحبها ا

نائب عام

و الله بعد تفكير عميق و أنا حكيت سابقا
أنو هاي المشكلة يعاني منها ثلث الشباب ، وأنا بعد ما اطلعت بمشاكل الشباب ، شفت انو الحياة من دون فتاة لا تشعر بك ، انها اجميل " ارمي كل شي ورى ظهرك " و ابحث عن الحب الجدي و الحقيقي يلي بتشعر من وراه شيء جميل و مسؤولية كبيرة .

و أن فكرة البنت يلي بتضحك بجهك ، هي بتلعب فيك أو بأحاسيسك أو بتقيس ( بتجس) نبضك ، و هي اصلا لو انها معجبة فيك ، كانت لمحتلك بعلامة صغيرة ، حتى ولو كانت بشيء خصوصي صغير ، أو شيء تافه بمعناه المادي ، بس بطريقة العشاق بمعناه المعنوي يعبر عن الحب الكامل .

و اخيرا حابب أحكيلك |||| انسى و انسى و انسى ، لأنو بمفهومك كلمة الحب تقاس بضحكة ، لكانت كل الفتيات تحبك !!!

و اخيرا زي ما بحكي نزار قباني
واخيرا اكتشفت اني بأسم الحب ........... أنا لعبة ... أنا لعبة

عضو نشيط

واذا بدك تعرف انها بتحبك دايما غيظها وقاهر فيها اما بتبين انها بتحبك او لا هذا رايواذا مشاكل تانية انا في الخدمة دائما مرحبا

عضو فعال

انا من جهتي ضلك لمحلها لأنها هي بتحبك بس شكلها حابة تثقل عليك شوي اصبر عليها لأنها بلاخر رح تيجي تعترفلك لأن البنت لما تحب واحد ما بتحب مباشرة تقول انها بتحبوا بس بتعبرلو عن حبها بلضحكة او بحركات تانية فضلك وراها وراها للاخر Laughing

عضو جديد

و الله يا الاء ، فعلا انا مرات بحس انها بتتاقل شوي ، يمكن بدها تحطني تحت الامر الواقع

زي ما بحكوا !!!!!!!

بس لحد الان مش عارف بالزبط شو اعمل .........

بس شكرا لكل جميع الاعضاء

المدير

بالبداية اشكر جميع الاعضاء الذين شاركوا
و ابدو ارائهم في حل مشكلت اخينا ذياب
و ادعو اله ان يفرج هم المسلمين اجمعين
و اتمنى من اخي ذياب و باقي الاعضاء
بالمدوامة على المشاركة في المنتدى
ليكون علما و اسما لامعا بين المنتديات
و شكرا لكم